See you in the sister blog …
I intend to post copies of documents that I can lay my hands on regarding this issue. Please check this blog regularly for updates …
Panagsa na lang ko makabalik sa akong pinalanggang lungsod nga San Fernando. Apan gusto lang ko mopaambit sa mga panghitabo karon sa lungsod nga angayang mahibaw-an sa ubang mga Sugboanon dinhi sa Sugbo ug ang mga nang-abroad.
Ang labing grabi nga naabot kanako karon mao kining mga computer nga alang unta sa mga tinun-ang mga high school apan gitambak na lang sa mga tinugyanan sa lungsod kay gisaway ang ilang pagkuha og mga yunit alang kanila.
Gi-donate ang maong mga computer, mga accessories, ug mga libro sa Bless of Mind Foundation nga gipangulohan sa taga San Fernando nga si Racquel Kristina Enad. Kini iyang gipadala alang sa Sangat National High School.
Kahinumdoman, ang maong mga computer, mga computer parts, ug mga libro miabot sa Cebu International Port (CIP) sa miaging May 15, 2008 gikan sa USA ug ang consignee mao ang Sangat National High School. Gisulod kini og tulo ka mga 40-footer nga mga container van.
Gipaguwa kini ginamit ang mga kontak ni Nonoy Reluya, ang bana ni Mayor Neneth Reluya sa San Fernando.
Ang nakaapan kay imbes i-turnover pagdiretso sa Sangat National High School, gidiretso kini sa pagdala as munisipyo ug gipilian sa mayor.
Dihang nireklamo ang principal sa Sangat National High School nga si Glenna Plarisan ug naabot sa media ang maong anomaliya, nasuko ang mayor ug iyang gipadala ang mga gipanghimulbulan nga mga donated items sakay sa mga dump truck ug igo lang giambak sa grounds sa maong high school.
Nakaingon kita nga gipanghimulbolan kay, basi sa atong nadunggan nga istorya, gikuha na man sa mga tawo sa mayor ang mga magamit nga mga computer.
Mas maayong makita sa tanan labi na sa mga sakop sa media ang kahimtang sa mga donated items ug makita sab ni Ms. Enad pinaagi niining blog dihang gi-turn over na gyud kini sa opisina ni Mayor Reluya.
Subo palandungon nga usa ka tinarong nga donasyon igo lang gihimulbolan sa mayor. Mas mayong molihok gyud dayon ang Konseho sa lungsod ug di maglangay sa pagsaway sa mayor.
Mas maayo sab nga molihok dayon ang Opisina sa Visayas Ombudsman aron matuki dayon kini. Mas maayong di magpakita og pagpabor ang Ombudsman alang sa mayor aron ang katawhan mosalig sa mga serbisyo sa kagamhanan nga gipahimudsan sa mayor sa San Fernando.
I-click lang kining mga hulagway nga naa niining maong blog aron makita nimo ang gibuhat ni Mayor Neneth Reluya:
Ingon niini ba kasuko si Mayor Neneth Reluya kay gipaningil sa Sangat National High School ang mga computer, mga kahimanan sa computer, ug mga libro?
Manawagan kita sa Konseho sa San Fernando ug sa tanang mga mabuot nga mga lungsoranon nga badlungon ang ilang mayor tungod niining iyang gibuhat.
